Estou desexando escoitar Aínda, o primeiro disco —acaba de publicalo aCentral Folque— de Alba María, talentosa cantautora viguesa de 19 anos. A voz, as letras e as melodías de Alba son extensións da súa mirada soñadora (a cal parece xurdir dun poema do noso admirado Cunqueiro).
O tema do vídeo, "Albas perdidas", forma parte de Aínda. Eu tiven a honra de escoitar esta fermosura de canción, en versión pra voz e guitarra, hai uns meses; e agora, fedellando por Youtube, redescúbroa con estupendos arranxos de José Manuel Díaz: que ledicia!
Alba María, estudante de Filoloxía Galega na Universidade de Santiago, gañou en abril o I Certame de Canción de Autor en Galego convocado polo Concello de Teo. Picando aquí podes entrar no perfil público da cantautora en Facebook.
No hay comentarios:
Publicar un comentario