Don Covay e Mick Jagger

Velaquí ós Stones versionando "Mercy, mercy!", un dos máis fermosos temas de Don Covay, mestre do soul clásico e principal influencia vocal de Mick Jagger: 

Dixo o cantante dos Stones sobre as características inflexións vocais de Covay: "Obtés un contraste auténtico entre o falsete e a voz masculina e dura. É bo para un cantante dispoñer doutra voz". Precisamente na gravación de "Mercy, mercy!" (1965) Jagger fixo, inspirándose en Covay, os seus primeiros falsetes. 

Esta é a versión orixinal de "Mercy, mercy!" (1964), onde colabora un novísimo Jimmy Hendrix (eses punteos sinuosos!): 

Don Covay: puro 'soul'

Velaquí a intensa voz —resgada e melódica— de Don Covay, un dos mestres do soul, falecido o mes pasado. Na gravación deste excelente tema con ritmo de chachachá, Mercy, mercy (1964), Covay contou coa prezada colaboración dun novísimo Jimi Hendrix (que punteos cálidos e travesos!).